مستقبل کے بارے میں آپ کا مائنڈ سیٹ
کیا آپ نے کبھی یہ خواہش کی ہے کہ آپ آج ایسے فیصلے کریں جن کے لیے آپ کا مستقبل خود آپ کا شکر گزار ہو؟ یہی(اپنا مستقبل خود طے کریں) کی بنیادی سوچ ہے— ایک ایسا طرزِ فکر جو آپ کو دانشمندانہ انتخاب کرنے میں مدد دیتا ہے تاکہ اس کے طویل مدتی اثرات مثبت ہوں۔
ہم میں سے اکثر لوگ وہی فیصلے کرتے ہیں جو فی الحال اچھے محسوس ہوں۔ ہم اہم کاموں کو مؤخر کرتے ہیں، فضول خرچی کرتے ہیں، یا صحت مند عادات اپنانے سے گریز کرتے ہیں کیونکہ وہ مشکل لگتی ہیں۔ لیکن "اپنا مستقبل خود طے کریں” کا مطلب ہے کہ آپ مستقبل کا سوچیں اور وہ فیصلے کریں جو طویل مدتی فائدہ پہنچائیں۔
"اپنا مستقبل خود طے کریں” کی فکر/مائنڈسیٹ کیوں ضروری ہے؟
ذرا تصور کریں کہ آپ ایک دوراہے پر کھڑے ہیں۔ ایک راستہ آپ کو فوری سکون دیتا ہے—نیٹ فلکس دیکھنے کی بجائے ورزش کی جائے، جنک فوڈ کھانے کی بجائے صحت مند کھانا کھایا جائے، یا سوشل میڈیا پر وقت ضائع کرنے کی بجائے کتاب پڑھی جائے۔ دوسرا راستہ مشکل ضرور ہے، لیکن یہ آپ کو ایک زیادہ صحت مند، امیر اور عقلمند انسان بننے میں مدد دیتا ہے۔
مسئلہ یہ ہے کہ ہم اکثر اوقات فوری لذت کو ترجیح دیتے ہیں، چاہے وہ ہماری مستقبل کی ترقی کے لیے نقصان دہ ہی کیوں نہ ہو۔ "اپنا مستقبل خود طے کریں” فکر یا سوچ ہمیں اس عادت کو توڑنے میں مدد دیتی ہے، کیونکہ یہ ہمیں شعوری طور پر سوچنے پر مجبور کرتی ہے کہ آج کے ہمارے فیصلے مستقبل کو کیسے متاثر کریں گے۔
"اپنا مستقبل خود طے کریں” کی فکر/سوچ کیسے اپنائیں؟
اپنے مستقبل کے خود کو تصور کریں – اپنی آنکھیں بند کریں اور اپنے آپ کو پانچ یا دس سال بعد دیکھنے کی کوشش کریں۔ آپ کس قسم کے انسان بننا چاہتے ہیں؟ آپ کیسا محسوس کرنا چاہتے ہیں؟ آپ کی زندگی کیسی ہونی چاہیے؟ یہ ذہنی تصویر آپ کے لیے تحریک کا کام کرے گی۔
فوری لذت کو روکنا سیکھیں – اگر آپ کو فوری طور پر کسی چیز کو خریدنے یا کسی عادت کو اپنانے کا دل چاہے، تو ایک لمحے کے لیے رکیں اور خود سے سوال کریں: "کیا یہ فیصلہ میرے مستقبل کے لیے فائدہ مند ہوگا؟”
چھوٹے لیکن دانشمندانہ فیصلے کریں – کامیابی کسی ایک بڑے فیصلے کا نتیجہ نہیں ہوتی بلکہ مسلسل چھوٹے فیصلے کرنے سے حاصل ہوتی ہے۔ ایک دن کا صحت مند کھانا آپ کے جسم کو نہیں بدلے گا، لیکن اگر آپ یہ روز کریں تو اثر نمایاں ہوگا۔
اپنی پیشرفت کا حساب رکھیں – اپنے مستقبل کے لیے ڈائری لکھیں، روزانہ کا ریکارڈ رکھیں، یا اپنے اہداف کو یاد دلانے کے لیے نوٹس لگائیں۔ جب آپ کو اپنے مستقبل کے اہداف کا خیال رہے گا، تو آپ کے لیے نظم و ضبط برقرار رکھنا آسان ہوگا۔
صحیح سوالات پوچھیں – ہر فیصلہ کرنے سے پہلے خود سے یہ سوالات کریں:
کیا یہ فیصلہ اپنے میرے اہداف کے قریب لے جائے گا یا مجھے ان سے دور کرے گا؟
آج کا یہ انتخاب ایک سال بعد مجھے کیسا محسوس کرائے گا؟
کیا میرا مستقبل خود میرے اس فیصلے پر میرا شکریہ ادا کرے گا؟
آخری بات
"اپنا مستقبل خود طے کریں” کا مطلب یہ ہے کہ آپ فوری تسکین کے بجائے طویل مدتی کامیابی پر توجہ دیں۔ یہی وہ طرز فکر ہے جو کامیاب لوگوں کو ان افراد سے الگ کرتا ہے جو ہر سال ایک ہی جیسی عادات میں پھنسے رہتے ہیں اور سالہا سال گزرنے پر بھی کوئی تبدیلی نہیں لاپاتے۔
آپ کا مستقبل خود آپ پر انحصار کر رہا ہے۔ آج ایسے فیصلے کریں جو آپ کے مستقبل میں آپ کو فخر محسوس کرائیں۔
